بقاياي_بندر المحاسن

اشد مغريات ( القلم ) و ( ريشه _ الـ رسام_  الـ عازف )  هو الحزن

فهو يسيطر على كل الاحاسيس حتى يجعلنا نتفنن في نزفه و زفه للاوراق والمسامع

الحزن يعرض للقلم كل الاغراء=الين يكسي هالدفاتر كآبه

ومابين يديني هالقلم صابه اعياء=من كثر ماانزف به حروف الكتابه

ماني بأدور في حروفي عن اطراء=بالحرف ادور من جرحني غيابه

ابعد عن عيون مسحت كل الارجاء=ماشافته ووجيه غيره تشابه

عل القصيد يذكره ناس احياء=ماتوا سبب صده وضموا ترابه

ابعد وساد الحزن في كل الاجواء=وحد الظماء يروى بشوفة سرابه

ياللعجب ان الدوا نفسه الداء=والقلب يوخذ من عيونك نهابه

الرجل لو وصل السماء بيد حسناء=ردته طفل او يشيب بشبابه

وانا تعلقت بسحابه بلا ماء=سوداء تمادت في حدود الغرابه

كنت احسب اني عايش بوسط الاضواء=واثر العمى في قلب يشري عذابه

ورغم العمى لوتشبهه كل الاسماء=بالصوت واللتغه وزينه درا به

ماكل شخص تملحه لتغة الراء=وما احد يضيع دربه اللي مشى به

وانا ابكتب لو غدى جسمي اشلاء=يمكن قصيدي يوصله عند بابه

ويرجع بعطف الام لصغار الابناء=يرجع يعوضني ليالي غيابه

!!